Բարձունքի հաղթահարում. ուսումնական նախագիծ

Բարձունքի հաղթահարում. ուսումնական նախագիծ

Սահմանված կարգով իրականացվող ուսումնական ճամփորդությունները ուսումնական գործունեության բաղկացուցիչն են:

Սովորողի մասնակցությունն այդ ճամփորդություններին պարտադիր է:
Ըստ կրթահամալիրի ուսումնական օրացույցի «Բարձունքի հաղթահարում» ուսումնական նախագիծն իրականացվում է տարին երկու անգամ՝ սեպտեմբերի 20-22-ը՝ «Անկախության տոն. Բարձունքի հաղթահարում» և մայիսի 25-30-ը ՝ «Հանրապետության օրեր. Բարձունքի նվաճում» նախագծերով:

Իրականացման տևողությունը՝ սեպտեմբերի 20-25, մայիսի 25-30: Read more

Реклама
«Լողափնյա աշուն» նախագիծ

«Լողափնյա աշուն» նախագիծ

Լողուսուցումը դիտարկվում է որպես մարմնակրթության բաղկացուցիչ: Այն լողալու հիմնական հմտություններ զարգացնելուց, մարմինը կոփելուց, հոգնածությունն ու լարվածությունը թոթափելուց զատ, սովորողներին օգնում է ձեռք բերել մի շարք կարևոր հմտություններ:

Աշնան տաք օրերին շարունակելու ենք լողալ Հյուսիսային դպրոցի բացօթյա լողավազաններում: Լողալու ու խաղալու ենք ջրում` աստիճանաբար զարգացնելով լողալու հմտությունները:

Լողին նախապատրաստվելը դիտարկվում է որպես ինքնուրույնության ու ինքնասպասարկման կարևոր հմտությունների ձեռք բերման հարթակ, որտեղ սովորում են պահպանել անձնական հիգիենայի կանոնները:

Լողուսուցման փուլերն են՝

  • Նախապատրաստում, որն իր մեջ ներառում է նախավարժանքն ու ցնցուղի ընդունումը
  • Լողը
  • Լողափին գտնվելն ու ինքնասպասարկումը:

Բացօթյա լողավազանից օգտվելու կարգ

Ծնողական հանդիպում

Ծնողական հանդիպում

Օգոստոսի 27-ին,  ժամը` 11:00-ին, ծնողական հանդիպում — սեմինար առաջին դասարան դիմած սովորողների ծնողների հետ:

Հանդիպման վայրը՝  Հյուսիսային  դպրոց (Րաֆֆի 69/1)
Օրակարգում՝
Սեպտեմբերի 4 — կրթական շքերթ
2018-2019 ուստարվա սեպտեմբեր-դեկտեմբերի անելիքներ. նախագծեր
Ուսումնական պլան
Ուսումնական օրացույց
2018-2019 ուստարվա երթուղիներ
Կազմակերպչական հարցեր
Հարց ու պատասխան

Մանկավարժական բաց ճամբար. օր 1

Մանկավարժական բաց ճամբար. օր 1

На данном изображении может находиться: растение, цветок, трава, на улице и природа

 

Նոր ուսումնական տարվա նախապատրաստություն

Այսօր մանկավարժական բաց ճամբարի առաջին օրն էր: Նոր ուսումնական տարին մեկնարկեց կրթահամալիրի դպրոցներում: Առավոտը Հյուսիսում սկսեցինք ընդհանուր պարապմունքով, իսկ հետո ամենքս անցանք մեր աշխատանքին՝ միջավայրի խնամք, բակային աշխատանքներ,ինչպես նաև կաբինետների մաքրման, ձևավորման աշխատանքներ: Կեսօրին աշխատանքը շարունակեցինք Մայր դպրոցում՝ նախագծային խմբերով:

Նոր ուսումնական տարի, նոր մասնախումբ, նոր ակնկալիքներ…

Դասվարները բաժանվեցին երկու խմբի՝ 5-6 տարեկանների և 2-3-րդ դասարանների: Քանի որ ինձ նման շատ դասավանդողներ առաջին անգամ էին մասնակցում «Իմացումի հրճվանք» ծրագրով սեմինարին , նախ ծանոթացանք իսկ հետո անդրադարձանք եւ քննարկեցինք հետեւյալ հարցերը.

Ուսումնական բլոգներ․ ներկայացվող պահանջներ, առաջարկներ․ քննարկում

Սեպտեմբերյան ուսումնական  նախագծեր. առաջարկներ և քննարկում

Կրթական շքերթի բովանդակության քննարկում, կազմակերպում

Ուսուցչի օրագիր վարելու առաջարկ

Նպատակը 2018-2019 ուսումնական տարվա ընթացքում ավելի գործածական և տեսանելի դարձնել Ուսուցչի օրագիր բաժինը դասավանդողի բլոգում, որի կիրառման ընթացքում տեսանելի կդառնան հեղինակային կրթական ծրագրի արդյունքներն ու ձեռքբերումները, ուսուցչի գրառում-պատումները:

«Ես» ուսումնական նախագիծ

«Ես» ուսումնական նախագիծ

Ուսումնական նախագիծ  «Իմացումի հրճվանք» կրթական ծրագրի 1-3-րդ դասարանների համար

«Ես» ուսումնական նախագիծը արտացոլված չէ կրթահամալիրի ուսումնական օրացույցում, սակայն կրտսեր դպրոցում այն իրագործելի, սիրելի ու կարևոր նախագիծ է, քանի որ համընկնում է ուսումնական տարվա մեկնարկի, իսկ առաջին դասարանցիների համար՝ դպրոցամուտի հետ:

Նպատակը՝ Սովորողների ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:

Խնդիրները`

  • Ադապտացում միջավայրին
  • Ինքնուրույնության դրսևորման զարգացում.
  • Ինքնասպասարկման (անձնական հիգիենա) հմտություների զարգացում.
  • Բանավոր խոսքի զարգացում (առանց սխալվելու վախի խոսելու, հանդես գալու հնարավորություն).
  • Հաղորդակցական հմտությունների ձևավորում ու զարգացում.
  • Երաժշտական ունակությունների դրսևորում, զարգացում.
  • Ստեղծագործական երևակայության զարգացում.
  • Smart էլեկտրոնային գրատախտակի հիմնական գործիքների կիրառում.
  • Մաթեմատիկական հասկացությունների ձևավորում:

Տևողությունը՝ օգոստոսի 28-ից մինչև սեպտեմբերի 10-ը (երկուսից երեք շաբաթ):

Սեպտեմբերի 4-ի կրթական շքերթին (կրթահամալիրի ուսումնական օրացույց) մասնակցում են առաջին դասարանցիները: Read more

Օգոստոսի 21-24

Օգոստոսի 21-24

9։00-9:15՝ Ընդհանուր պարապմունք Հյուսիսային դպրոցում

9:15-12:00՝

  • Միջավայրի խնամք, բակային աշխատանքներ՝ Քրիստինե Շահբազյան, Անուշ Համբարյան
  • Միջավայրի ձևավորման նախագծեր՝ Աննա Ֆրանգյան, Տաթև Աթոյան, Ռիմա Երեմյան
  • Կաբինետների մաքրման աշխատանքներ՝ կաբինետների պատասխանատուներ

12։00-12։30՝ ընդմիջում դպրոցներում

12։30-14։00՝ աշխատանք նախագծային խմբերով. Մայր դպրոց

Երեքշաբթի, հինգշաբթի

14։00-14։30՝ ընդհանուր պարապմունք. Մայր դպրոց, Մարմարյա սրահ

«Մուտք» ճամբար 2018-2019ուստարվա 1-ին դասարան դիմած սովորողների համար

«Մուտք» ճամբար 2018-2019ուստարվա 1-ին դասարան դիմած սովորողների համար

«Մուտք կրթահամալիրր». 2018-2019 ուստարվա 1-ին դասարան դիմած սովորողների համար։

Ժամանակահատված  —  օգոստոսի 28-30։

Անցկացման վայրը՝ «Մխիթար Սեբաստացի» կրթահամալիրի Հյուսիսային դպրոց (Րաֆֆի 69/1)։

Ճամբարի ղեկավարներ՝ 2018-2019 ուսումնական տարվա 1-ին դասարանի դասվարներ՝  Կարինե Խառատյան, Սիդոնյա Վիրաբյան:

Մասնակիցները՝ 2018-2019 ուստարվա 1-ին դասարանի սովորողներ:

Խնդիրները՝ հեղինակային կրթական ծրագրի ծանոթացում, կրթական շքերթի նախապատրաստում:

Բովանդակությունը՝

  • ուսումնական գործի կազմակերպման առանձնահատկությունները, ուսուցման միջավայրը, անհատական գործիքներ
  • առավոտյան ընդհանուր պարապմունք. երգ-պարերգ
  • շրջակա միջավայրի խնամք, պարտիզապուրակային գործունեություն
  • հեծանվավարություն
  • տեխնոլոգիա
  • լող
  • ընթերցանություն, ճամբարի համատեղ լուսաբանում (խոսքային աշխատանք)
  • կառուցողական խաղեր

«Մուտք» ճամբարի մասնակիցը իր հետ պետք է ունենա՝

  • ուսապարկ (խուրջին)
  • արևապաշտպան գլխարկ
  • բրդուճներ+քաղցր որևէ բան, միրգ
  • լողազգեստ, լողի պարագաներ

Read more

Գաստոն․ Վիլյամ Սարոյան

Գաստոն․ Վիլյամ Սարոյան

Ինչպես որոշել էին, դեղձ էին ուտելու աղջնակի ցերեկային նինջից հետո։ Եվ հիմա նա նստած է այն տղամարդու դիմաց, որ միանգամայն օտար կլիներ իրեն, եթե իր հայրը չլիներ։ Նրանք արդեն մի հարյուր տարի ի վեր, թե՞ անցյալ օրվանից նորից միասին էին (չնայած աղջնակը չէր հիշում՝ առաջ երբ են միասին եղել)։ Ինչևէ, նրանք նորից միասին էին, և տղամարդը մի տեսակ զվարճալի տեսք ուներ։ Նախ՝ ուներ աղջնակի՝ երբևէ որևէ մեկի դեմքին տեսած ամենամեծ բեղերը։ Ըստ նրա՝ դա նույնիսկ բեղ էլ չէր, այլ գորշ ու կարմիր մազերի մի փունջ՝ քթի տակ ու բերանի անկյունների շուրջը։ Հետո՝ կապույտ-սպիտակ շերտերով բլուզ էր հագել վերնաշապիկի ու փողկապի փոխարեն ու վերարկու չուներ։ Թևերը ծածկված էին նույն մազերով, բայց մի քիչ բարակ ու ավելի բաց գույնի։ Կապույտ, լայն տաբատով էր ու առանց գուլպա-կոշիկների։ Ոտաբոբիկ էր։  Read more