Սարի լանջին, ժայռի տակ,
Ջուր էր բըխում սառնորակ
Ու ցրվելով խոտերում
Իզուր ճահիճ էր դառնում։
Նրա առջև մի խոր գուշ
Շինեց հովիվն ու անուշ
Խաղ ասելով նա տարավ
Ջրեց հոտը իր ծարավ։
Պախրեն անցավ էն սարից`
Շոգից հանած չոր լեզուն,
Կուշտ-կուշտ խմեց աղբյուրից,
Ապա նայեց աստծուն։
Անցվորն եկավ տոթակեզ,
Սառն աղբյուրին որ հասավ,
Գըլխարկն առավ ու չոքեց՝
Խմեց, սիրտը հովացավ։
Ու տվավ իր օրհնանքը
Անցվոր մարդը էն բարի.
«Քո շինողի օր-կյանքը
Ջրի նման երկարի՜…»
Հաֆ-հա՛ֆ, հաֆ-հա՛ֆ,
Ահա այսպես
Հաչում եմ ես,
Հաֆ-հա՛ֆ, հաֆ-հա՛ֆ.
Ու տունն այսպես
Պահում եմ ես։
Թե գա մեզ մոտ
Մի հին ծանոթ,
Մոտն եմ վազում,
Պոչըս շարժում։
Բայց թե մի գող,
Չար կամեցող
Ուզի թաքուն
Մտնի մեր տուն,―
Հաֆ-հա՛ֆ, հաֆ-հա՛ֆ,
Ահա այսպես
Հաչում եմ ես.
Հաֆ-հա՛ֆ, հաֆ-հա՛ֆ,
Ու տունն այպես
Պահում եմ ես։
«Ծիտը» խաղ-բեմադրություն
Ըստ Հովհաննես Թումանյանի համանուն հեքիաթի
Դերերում՝
6 տարեկաններ եւ երկարացված օրվա ճամբարականներ
Սցենարի հեղինակներ՝
Սեդա Վիրաբյան, Ռուզաննա Աբրահամյան
Մոնտաժը՝ Սեդա Վիրաբյանի
Տիկնիկները պատրաստեցին՝ 6 տարեկաններն ու երկարացված օրվա ճամբարականները
Տեսանյութ՝
Մարտի 1-ին Հյուսիսային դպրոցի սովորողները Թումանյանի այգում ամփոփեցին Թումանյանական օրեր նախագիծը: Read more
Ծընգլը, մընգլը,
Ծի՜վ, ծի՜վ։
Թումանյանական օրեր նախագծի ընթացքում երկարացված օրվա ճամբարականները շարունակում են կարդալ եւ խաղալ Հովհաննես Թումանյանի հեքիաթները : 5-6 տարեկանների հետ այսօր պատրաստեցինք Հովհաննես Թումանյանի «Ծիտը» հեքիաթի հերոսներին, որպեսզի հետո էլ մեր պատրաստած թղթե հերոսներով խաղանք, բեմադրենք մեր սիրելի հեքիաթը:
Ջոկատավարներ՝ Սեդա Վիրաբյան, Ռուզաննա Աբրահամյան
Տեսանյութ՝
Թումանյանական օրեր նախագծի նպատակը ընթերցանության խրախուսումն է, զարգացնել երևակայությունը, հիշողությունը, ճանաչել ստեղծագործության հերոսներին, զարգացնել երևակայական մտածողությունը, ձևավորել սեփական մտքերը, կարծիքը արտահայտելու կարողությունը: Հեքիաթների ընթերցանությունից հետո, երբ երկարացված օրվա ճամբարականները ճանաչեցին հեքիաթների հերոսներին, ունեցան նախընտրած հեքիաթներ, սիրեցին հերոսներին, սկսեցին հորինել անսովոր, զարմանալի թումանյանական հեքիաթներ:
Թումանյանական հեքիաթների խառնաշփոթ, երբ հանդիպում են թումանյանական հերոսները
Ձախորդ և հաջողակ հանդիպում (կատակ հեքիաթ)
Անխելք մարդն, անհաղթ աքլորն ու ծիտը
Լինում է չի լինում մի ծիտ է լինում: Ծիտը ուզում էր հանդիպել աքլորին և մի օր նրանք հանդիպեցին: Ծիտը հարցնում է աքլորին, թե նա ինչպես կարողացավ փախնել թագավորից: Զրույցի ժամանակ հանկարծ նկատեցին հեռվից իրենց մոտեցող անխելք մարդուն:
-Բարի օր,_ ասացին ծիտն ու աքլորը;
-Աստծու բարի,- ասաց անխելք մարդը:
Ծիտը ծաղրելով հարցրեց անխելք մարդուն, թե ինչպես անցավ իր ճամփորությունը: Անխելք մարդը սկսեց պատմել թե նա ինչպես հրաժարվեց սիրուն աղջկանից և ծառի տակի ոսկիներից, իսկ ծիտն ու աքլորը լսում էին և ծիծաղում, թե նա ինչքան անխելք է:
Արթուր Զալինյան
Կարդում ենք և խաղում Թումանյան. ընթերցանության նախագիծ
Մասնակիցներ` 1-3-րդ դասարանցիներ
Ամփոփումը` Մարտի 1, հինգշաբթի
Վայրը` Թումանյանի այգի Read more
Մի անգամ մայրիկ կկուն և մայր այծը հանդիպում են:
Մայրիկ կկուն պատմում է, թե ինչպես խորամանկ աղվեսը տարավ իր ձագերին:
Ասելով թե.
-Էս սարն իմն է, էն ծառն իմն է, էս ով է եկել տիրացել թաքուն:
Մայր այծը շարունակելով կկուի խոսքը պատմեց, որ չար գայլը եկել էր և իր հաստ ձայնով ուզում էր շփոթեցնել սևուկ ուլիկին, ասելով. Read more
Անսովոր, զարմանալի թումանյանական հեքիաթներ:
Թումանյանական հեքիաթների խառնաշփոթ
Քարվան կտրող Քաջ Նազարը մի օր գնում է գնում, մեկ էլ նկատում է, որ գյուղից հեռացել է: Այդ ժամանակ սիրտը ահ է ընկնում,վախից սկսում է քթի տակ երգել,իրեն-իրեն խոսել: Շատ է գնում թե քիչ , հայտնվում է մի գյուղում, որտեղ էլ մարդիկ ինչ որ ժամ ու պատարագ էին մասնակցում: Հարց ու փորձ է անում եւ պարզում, որ Ձախորդ Փանոսի քելեխն է: Գյուղի ժողովրդից էլ իմանում է խեղճ Փանոսի գլխով անցածը: Փանոսի կնիկն էլ մի քիչ սուգ է անում, Փանոսին գովում,ափսոսում, հետո էլ որոշ ժամանակ անց Քաջ Նազարի հետ է ամուսնանում:
Կարապետյան Մանուկ
Մխիթար Սեբաստացի կրթահամալիրի Հյուսիսային դպրոցի 2․1 դասարանի բլոգ
«Մխիթար Սեբաստացի» կրթահամալիրի Արևելյան դպրոցի 2․4 դասարանի բլոգ
«Մխիթար Սեբաստացի» կրթահամալիր
Մխիթար Սեբաստացի կրթահամալիր, Հյուսիսային դպրոցի 3.2 դասարան
Սեդա Վիրաբյան 