Ուսումնական աշուն նախագիծ
Սովորող Ալինա Չիլինգարյանը հանգստյան օրերին զբաղվում է բակ-պարտեզի խնամքով, խնամում և ջրում է վարդի թփերը:
Տեսանյութ՝
Рубрика: «Ուսումնական աշուն» նախագիծ
Հովհաննես Թումանյան-Աշուն
Դեղնած դաշտերին
Իջել է աշուն
Անտառը կրկին
Ներկել է նախշուն։
Գուաշներով նկարում ենք Հովհաննես Թումանյանի«Աշուն»բանաստեղծությունը:
Ահա այսպիսին են պատկերացնում թումանյանական աշունը 2.2 դասարանի սովորողները:
Ճիմապատման աշխատանքներ
Ճիմապատման աշխատանքերը Հյուսիսային դպրոցում: Նախագծին ներառված են նաեւ երկարացված օրվա ճամբարականները:
Նկարաշար`
Նկարչություն ձողիկներով
Գունային պղպջակներ, վրձիններ եւ թուղթ:
Ճամբարականներին թողնում եմ գուաշների եւ պղպջակների հետ եւ գնում մի կողմ:
Ընտրել եմ ինձ համար մի անկյուն եւ հետեւում իրենց նկարչությանը, մեկի համար նկարչություն, մյուսի համար` գունային հրավառություն: Մոռացել են թղթի մասին եւ սկսել են նկարել սեղանի վրա: Նախակրթարանի աների նման ուրախանում են պղպջակներից:
-Հերի՛ք է սեղանը շարժեք, կարող է թողնեք նկարեմ, — չդիմացավ Նազենի Հովհաննիսյանը:
Նկարաշար`
Պղպջակատոն
Պղպջակատոնը Հյուսիսային դպրոց-պարտեզի տանիքում:
Նկարաշար
Սեպտեմբերյան դեմքեր
Ուսումնական տարվա մեկնարկ: Մարզատոն
Ժպտուն աչքերով, ուրախ սեբաստացիների ուսումնական տարվա մեկնարկը տրված է: Ողջունեցինք մեր նորեկ սեբաստացի ընկերներին եւ Հյուսիսային դպրոցի արեւելյան լանջերին մեկնարկեցինք նոր ուսումնական տարին` ընդհանուր մարզական պարապմունքով: Ընդհանուր պարապմունքից հետո արդեն երկրորդ դասարան տեղափոխված սեբաստացիներով` մի մասը հեծանվով, իսկ մի մասն էլ քայլքով, գնացինք սուրբ Երրորդություն եկեղեցու բակում մարզական խաղեր խաղալու:
Մարզական ուրախ խաղերին մասնակցեցին նաեւ սեբաստացի ծնողները:
Տեսանյութ`
Այսպիսի մարզական հագեցված օրվանից բարձր տրամադրությամբ շարժվեցինք դեպի Մայր դպրոց, որտեղ հավաքվել էին երթուղայինները:
Նկարաշար`
Մարզատոն
Ուսումնական տարվա մեկնարկ. օգոստոսի 30, ժամը 10.30-11.30
Վայրը՝ սուրբ Երրորդություն եկեղեցու բակ
Մասնակիցներ՝ Հյուսիսային դպրոցի 2-րդ, 3-րդ դասարանցիներ, ծնողներ
Պատասխանատուներ՝ Կարինե Մամիկոնյան, Մարի Միքայելյան
Մասնակիցների հագուստը՝ շորտեր, շապիկներ, հարմար սպորտային կոշիկներ, արևապաշտպան գլխարկներ, խուրջիններ:
Ծուղրուղու
Խումբը շրջանաձև պպզում է, իսկ մեկը` մի թաշկինակը ձեռքին, կանգնում է շրջանի մեջտեղը: Վերջինս կոչվում է շուն, իսկ մյուսները` աքաղաղներ: Աքաղաղներն այս ու այն կողմից կանգնում, ծուղրուղու են կանչում և իսկույն պպզում: Շունն աշխատում է ձեռքի թաշկինակով խփել աքաղաղին կանգնած ժամանակ: Եթե հաջողվեց, ինքը կդառնա աքաղաղ, իսկ աքաղաղը` շուն:
Յոթ քար
Խաղում են 10-20 մասնակից բակում, դաշտերում: Համեմատաբար տափակ 7 քարեր իրար մոտ են դնում: Բաժանվում են երկու խմբի և վիճակահանությամբ որոշում՝ որ խումբն է քարերը հավաքում: Մյուս խումբը գնդակով հետապնդում է և աշխատում թույլ չտալ, որ քարերը դնեն իրար վրա: Եթե խաղի ընթացքում փախչող խմբի անդամներից մեկը կամ մի քանիսը չեն խփվում, այլ խույս տալով գնդակից՝ շրջանցում են և կարողանում են ցրված յոթ քարը շարել միմյանց վրա ու հաշվել մինչև 7 թիվը, փախչողները շահում են մեկ փալան: Երբ հետապնդվողը նետած գնդակը բռնում է օդի մեջ՝ նախքան դրա՝ գետնին դիպչելը, ապա այս դեպքում գնդակ բռնող խումբը շահում է մեկ փալան:
Բուլավաների արանքով
Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները, անցնելով բուլավաների արանքով, վազում են, շրջանցում 5-6 մետր հեռու դրված դրոշակը և ուղրղ գծով վերադառնում ետ` մեկնարկ տալով հաջորդին:
Ծափով` վազել
Խաղացողները միասյուն շարվում են` իրարից կես մետր հեռավորության վրա: Մեկ ծափ` քայլում են, երկու ծափ` ցատկոտում են, երեք ծափ` վազում են: Ով սխալվում է, դուրս է գալիս շարքից: Հաղթում է նա, ով ավելի ճիշտ և արագ է կողմնորոշվում:
Օղակախաղ
Սովորողները կանգնում են շրջանով՝ միմյանց ձեռքերը բռնած: Օղակը հերթով անցնում է շրջանի միջով՝ առանց մասնակցի ձեռքը բաց թողնելու: Պետք է մարմնով անցնել օղակի միջով այնպես, որ շրջանը չխախտվի: Պարտվում է նա, ով ձեռքը առաջինը բաց կթողնի:
Ուսումնական տարվա մեկնարկ. Օգոստոսի30
Օգոստոսի 30
10:00-12:00՝ ուսումնական տարվա մեկնարկ
09:00-09:45՝ Ուսումնական երթուղիների փորձարկում
10:00-10:15՝ Մարզական ընդհանուր պարապմունք Հյուսիսային պարտեզում. Պատասխաատու Հասմիկ Մաթևոսյան
10.20 Քայլք սուրբ Երրորդություն եկեղեցու բակ՝ մասնակցելու մարզական խաղերին
Պաղպաղակի հյուրասիրություն
12.00 Սովորողների ճանապարհում
Ուսումնական աշուն. նախագիծ
Նպատակը`
- Շրջապատը հետազոտելու, խնամելու, պահպանելու, բարեկարգելու կարողությունների զարգացում
- Բույսի, եղանակի, երևույթի, առարկայի, օրվա փոփոխությունների դիտարկում
- Թվային միջոցներից օգտվելու կարողությունների կիրառում
- Paint ծրագրի կիրառում
Խնդիրները՝
- Հոգատար վերաբերմունք զարգացնել բնության նկատմամբ
- Օգտագործելով թվային և մեդիա միջոցները գրանցել բնության և եղանակի փոփոխությունները
- Հարցազրույցներ վարել ծանոթ-բարեկամների, տատիկ-պապիկների հետ աշնանային գյուղատնտեսական խորհուրդներ` ծառատունկի, աշնանային բակ-պարտեզի աշխատանքների մասին
- Բանահավաքություն
Աշխատանքը`
- Պատումներ, ձայնագրություններ մեր, մեր հարազատների գյուղի, մարդկանց մասին
- Բանահավաքություն. երգում են, պատմում են մեծերը
- Օրագիր, եղանակային դիտարկումներ
- Բնագիտական և այլ հետաքրքիր փորձեր
- Ընտանեկան թատրոն
- Հին իրերին՝ նոր կյանք. տեխնոլոգիա
- Իմ ծնողների աշխատավայրից
- Աշնանային ֆոտոշարքերի ստեղծում
- Մեր բակի աշունը. ձայնագրություն, տեսանյութ
- Աշնանային ամսագիր
- Իմ տնկած ծառը, թաղարը…
- Իմ կենդանին…
- Աշնանային խորհուրդներ. հարցազրույցների և պատումների ձայնագրում
- Շրջակա միջավայրի փոփոխության և եղանակի տեսության դիտարկում
Նախագծի իրականացումը
- Նպաստում է սովորողների դիտողականության, շրջապատում օրինաչափություններ նկատելու, դիտարկելու, վերլուծելու կարողության զարգացմանը
- Ձևավորում է շրջապատի, բնության հանդեպ հոգատար վերաբերմունք
- Նպաստում է երևույթներին հետևելու, հետևություններ անելու հմտությունների ձևավորմանը
- Անհրաժեշտ ինֆորմացիան ձեռք բերելու կարողությունների ձևավորմանը:
Նախագծի ընթացքում ու արդյունքում ստեղծված` տեսագրված, նկարահանված, ձայնագրված նյութերը համապատասխան մշակումից հետո նախատեսվում է հրապարակել դասարանական բլոգում:
Սեդա Վիրաբյան 