Թումանյանական օրեր.
Դդմածես.
Թումանյանական օրեր.
Մասնակիցներ` 1-ին դասարանցիներ
Կրթահամալիրի ուսումնական օրացույցով «Թումանյանական շաբաթն» իրականացվում է փետրվար ամսին:
Նախագծի նպատակն է խրախուսել ընթերցանությունը, զարգացնել երևակայությունը, հիշողությունը, ճանաչել ստեղծագործության հերոսներին, տալ կերպարների` բարու և չարի բնութագիրը, զարգացնել երևակայական մտածողությունը, ձևավորել սեփական մտքերը, կարծիքը արտահայտելու կարողություն, զարգացնել հաղորդակցական կարողությունները: Թումանյանական ստեղծագործությունների միջոցով գրական ստեղծագործության ճանաչման խրախուսում, գրական ստեղծագործության ներկայացումը նորարարական մեթոդներով, իսկ արդյունքը` Թումանյանական ընթերցարանների, ֆիլմերի, հեքիաթների ժողովածու ստեղծելը:
Տեխնոլոգիական գործունեություն — Թափոններով, կավով, պլաստիլինով, խմորով ստեղծում ենք թումանյանական հերոսներ
Նախապատրաստական փուլ
Կրթահամալիրի առաջին դասարանցու ուսումնական գործիքն իր անհատական նեթբուքն է կամ պլանշետը: Դրանով աշխատելու համար սովորողները պետք է գործի դնեն արդեն իսկ սովորած համակարգչային հմտությունները` նկարել Paint ծրագրով, հեքիաթի հերոսներին բնութագրող բառեր մուտքագրել, կստեղծվեն նաեւ խմբային եւ անհատական աշխատանքներ:
Թատրոն — Մնջախաղի, թաթիկ — տոտիկների, ստվերների, խամաճիկների միջոցով խաղում ենք Թումանյան : Կլինեն նաեւ անհատական աշխատանքներ: Սովորողներից յուրաքանչյուրը կնկարի իր նախընտրած հեքիաթը կամ որևէ թումանյանական հերոս, կմուտքագրի հերոսի կամ հեքիաթի անունը, կպատմի իր նկարած նկարը, որի հիման վրա էլ կստեղծվեն վիդեոպատումներ:
Տրված ստեղծագործությունը («Գետակը» , «Մանուկն ու ջուրը» , «Սուտլիկ որսկանը» , «Սուտասանը» , «Պոչատ աղվեսը» , «Թռչունի մտածմունքը» , «Կիկոսի մահը», «Չարի վերջը»,«Մուկիկի մահը», «Իրիկունը», , «Ամենից լավ տունը»,«Անբան Հուռին»,«Քաջ Նազարը», «Ուլիկը», «Ճամփորդները») Նկարի՛ր յուրաքանչյուր հատվածը և պահպանի՛ր նկարը: Մեծահասակի օգնությամբ ձայնագրի՛ր ստեղծագործությունը և ֆիլմ ստեղծի՛ր:
Կարծում եմ հնարավոր է նույնիսկ այցելություն Հ. Թումանյանի տիկնիկային թատրոն:
Մասնակիցներ` 1-ին դասարանցիներ
Նախագծի նպատակը
- Դդմի մասին նոր տեղեկությունների ձեռքբերում
- Դդմի օգտակար հատկություններին մասին
- Ղափամայի ծեսի նախապատրաստում
Նախագծի խնդիրները
- Բանավոր և գրավոր խոսքի զարգացում
- Լեզվամտածողության և երևակայության զարգացում
- Բառապաշարի հարստացում
- Հաշվելու, համեմատելու կարողության զարգացում
- Մեդիահմտությունների զարգացում
Գործունեության ձևեր
- Նախապես գրանցել, թե ինչ գիտեն դդմի մասին, նախագծի վերջում համեմատել իմացածն ու նոր ձեռք բերածը
- Դդմի մասին առած- ասացվածքների, շուտասելուկների, հանելուկների, խնդիրների հորինում
- Paint-ով դդմային կերպարներ նկարել, պատմել նկարի մասին
- Աղյուսակներ կազմել, գրանցել տեղեկությունները
- Դդմային պատմություն ենք հորինում և ձայնագրում Մի նախադասություն դու, մի նախադասություն` ես մեթոդով
Մեթոդի նկարագրություն. Խաղավարը կախարդական գնդակը փոխանցում է սովորողներին, նրանցից յուրաքանչյուրը մեկ նախադասություն ասելով փոխանցում է մյուսին: Պատմությունն ավարտվում է, երբ վերջին սովորողն ասում է իր նախադասությունը:
Խոհանոցային գործունեություն
Դդմային կերակրատեսակների` աղցանի, թխվածքաբլիթի, ղափամայի պատրաստում
Տեխնոլոգիական գործունեություն
- Դդմատիկնիկի պատրաստում
- Դդմանկար. դդումները գուաշով ներկում ենք, կերպավորում
- Ստացված կերպարներով փորձում ենք փոքրիկ ներկայացում խաղալ
- Ղափամայի ծեսի համար ճակտնոցների, գոտիների, թևնոցների պատրաստում
Դդմագլոր խաղ. Խաղը սկսում ենք բակում ձյան վրա: Սովորողները դդումները ձյան վրա գլորում են, հետո փորձում հաշվել, թե քանի ոտնաչափ է իրենց գլորած դդմի ճանապարհը:
Խաղ մարզադահլիճում. Սովորողները բաժանվում են երկու խմբի: Խմբից մեկը գլորում է դդումը, իսկ մյուսը պետք է այդ նույն ճանապարհով ինքը գլորվի, վերցնի դդումն ու դդմի հետ գլորվելով հետ վերադառնա:
Շրջանաձև նստում են, դդումն իրար գլորում, ում գլորում են, նա դդում բառով նոր բառ է ասում, կազմում /դդմախնձոր, դդմագդալ, դդմափիղ/
Երաժշտություն
- Ղափամայի ծիսական երգերի
- Ազգային պարերի ուսուցում
Անհրաժեշտ գործիքներ
- Նոթբուք
- Թվային ֆոտոխցիկ
- Ձայնագրիչ
- Հեռախոս
Նախագծի արդյունքում կունենանք
- Դդմային կերակրատեսակներ
- Դդմահեքիաթի և դդմապատմություններ
- Դդմաընթերցարաններ
- Դդմային կերպարներով ֆոտոշարքեր
- Նախագծի ընթացքի մասին պատմող ֆիլմեր
Այսօր Հյուսիսային դպրոց-պարտեզում Տյառընդառաջի ծեսն էր: Դպրոցի բակում խարույկ վառեցինք եւ մեր ազգային երգով ու պարով խարույկի շուրջը համախմբեցինք դպրոց-պարտեզի սովորողներին, անգամ ամենափոքրիկ սեբաստացիներին: Ծեսին մասնակցեցին նաեւ ծնողները: Ճյուղերի վրա ժապավեններ կապեցինք` մտքում պահելով այն, ինչ ուզում ենք, որ չլինի, որովհետև այրելով ժապավենով կապած ճյուղը` այրում ենք վատ բաները:
_(5182840694)(crop).jpg/250px-Portrait_de_Pierre_M%C3%A9khitar_(Saint_Lazare_des_Arm%C3%A9niens,_Venise)_(5182840694)(crop).jpg)
Սեդա Վիրաբյան 